Полицијата попладнево го уапси градоначалникот на Загреб, Милан Бандиќ како и двајцата негови соработници Петар Припуз и Слободан Љубичиќ.
Градоначалникот бил уапсен во неговиот двор и однесен во полицијата во Загреб. Тој ќе остане вечерва таму, а утре се најавени претреси на становите и сите простории што ги користел.
Соработниците на Бандиќ се изненадени и велат дека ништо не укажувало дека вакво нешто можело да се случи. Милан Бандиќ не е само градоначалник на Загреб, туку е и клучна фигура на политичката сцена во Хрватска.
Полицијата тргнала во акција по неколкумесечно испитување на сомневањата за корупција на Бандиќ, односно за незаконското постапување на Градот Загреб и трговското друштво Холдинг ДОО.
Неофицијално Бандиќ уште утре ќе добие пријави за повеќе кривични дела, меѓу кои и злоупотреба на службената положба.
