Турскиот суд покрена обвинение со кое се бара одговорност од Фетхулах Ѓулен за обид за соборување на Владата.
Ѓулен е прв осомничен меѓу 69 луѓе за формирање на терористичка група и политичка шпионажа. По истрагата за корупција во 2013 година насочена кон опкружувањето на Реџеп Таип Ердоган, турскиот претседател го обвинува својот поранешен сојузник за обид за преземање на власта преку паралелна структура – поддржувачи во судскиот систем, во полицијата, во медиумите и во државните институции. Ѓулен ги отфрла таквите обвинувања.
Судот издаде нови нареди за апсење на Ѓулен и неговиот помошник Синан Дурсун. Првите судски процеси закажани се во јануари идната година.
Ѓулен од 1999 година живее во САД.