Турскиoт претседател повика на дијалог со демонстрантите

Од:

Турскиот претседател Абдула Ѓул денеска повика на дијалог со легитимните демонстранти, кои протестираат против плановите за реконструкција на истанбулскиот парк Гези, но изјави дека оние кои излегле на улица за да учествуваат во насилни настани, се посебно прашање.

Ѓул зборуваше еден ден откако полицијата за борба со безредијата цели 18 часа употребуваше солзавец и водени топови за да ги растера илјадниците демонстранти на плоштадот Таксим, каде се фокусирани двонеделните протести против премиерот Реџеп Таип Ердоган.

Ердоган, кој демонстрантите ги оцени како „измет“, се очекува денеска да се сретне со група јавни лица, со кои ќе ги разгледа безредијата, кои почнаа како мирна кампања против плановите за изградба во паркот Гези, што се граничи со плоштадот Таксим.

-Ако луѓето имаат приговори тогаш нека се оствари дијалог со овие луѓе, несомнено е наша задача да слушнеме што имаат да кажат, подвлече Ѓул пред новинарите за време на неговото патување до црноморскиот град Ризе. Тој изрази надеж дека проблемите ќе бидат ндаминати „преку демократската зрелост“.

Истовремено Ѓул, кој за време на протестите во целина покажа поумерен тон во споредба со Ердоган, подвлече дека насилството по улиците нема да се толерира.

-Оние кои учествуваат во насилни настани се нешто поразлично и ние треба да ги разграничиме. Ние не треба да му даваме шанса на насилството. Тоа не би било дозволиво ниту во Њујорк, ниту во Берлин, посочи шефот на државата.

Би можело да ве интересира

Турција ги отфрла критиките на ОН за Кипар

Ана Ололовска

Вучиќ му одговори на Ердоган дека ќе се бори ако дојде до лобирање за признавање на Косово

Ана Ололовска

Блинкен: Акциите на кипарските Турци во Вароша се провокативни и неприфатливи

Ана Ололовска

Грчко МНР: Турција да запре со провокациите на Кипар и да се усогласи со меѓународното право

Ана Ололовска

Ердоган: Веднаш можеме да го преземеме управувањето со аеродромот во Кабул, доколку САД не поддржат

Ана Ололовска

Инцидент меѓу турски и кипарски патролен брод

Ана Ололовска

Leave a Comment

seven − 5 =