Турција ќе и се придружи на која било меѓународна коалиција против Сирија, дири и ако не биде постигнат широк консензус во Советот за безбедност на ОН, најави денеска шефот на турската дипломатија Ахмет Давутоглу.
– Наш приоритет е да се дејствува заедно со меѓународната заедница, во рамки на одлуката на ОН. Ако Советот за безбедност не постигне таква одлука, тогаш на дневен ред ќе дојдат други алтернативи. Моментално 36-37 држави разговараат за овие алтернативи. Доколку се формира сојуз против Сирија во овој процес, Турција ќе го заземе своето место во таа коалиција, истакна Давутоглу.
Турција е една од најголемите противници на режимот на сирискиот претседател Башар ал Асад и ги критикуваше светски сили поради непреземањето итни мерки против Дамаск по извештајот за наводна употреба на хемиско оружје во нападот на сириските воени сили.