Турција повторно ја отвори границата кон Иран и Ирак за товарниот сообраќај

Од:

Турција денеска ги отвори своите граници со Иран и Ирак за товарниот сообраќај, откако повеќе од три месеци беа затворени заради опасноста од ширење на коронавирусот, јави ДПА.

„Границите, вклучувајќи ги и главните премини кај Хабур, кон Ирак, и Гурбалак, кон Иран, се повторно отворени“, изјави министерот за трговија Рухсар Печан на Твитер, повикувајќи се на „намаленото влијанија на пандемијата во двете соседни земји“.

Остануваат неопходните здравствени и безбедносни мерки на граничните премини, додаде Печан.

Иран и Ирак остануваат двата клучни трговски партнери за Турција и покрај релативниот пад на обемот на трговијата со Иран минатата година, наведува германската агенција.

Турција ја затвори границата со Иран на 23 февруари, по драстичното зголемување на случаите со коронавирус. Помалку од една недела подоцна, турската граница со Ирак, исто така, беше затворена.

Турција на 11 март го потврди својот прв случај со коронавирус и оттогаш, земјата сооопшти за 4.609 смртни случаи од Ковид-19 и речиси 166.500 инфекции, потсетува ДПА.

Би можело да ве интересира

Иран потврди дека во пожарот во близина на нуклеарна централа е оштетена фабрика за центрифуги

Ана Ололовска

Иранските власти тврдат дека изградиле подземни ракетни градови

Ана Ололовска

Иранските државни служби нема да пружаат услуги за граѓаните без маски

А1он

Иран се закани за кибер напади врз нуклеарните централи

А1он

ВИДЕО: Расте бројот на жртви во Турција по експлозијата во фабрика за пиротехника

А1он

Двајца загинати и 73 повредени при експлозија во турска фабрика за пиротехника

Ана Ололовска