Турција побара НАТО да свика вонредна средба на Советот на Северноатлантската алијанса идната недела, за да се разгледаат нејзините воени операции против џихадистичката група Исламска држава и против борци на ПКК, соопшти турското МНР.
Состанокот на Советот на НАТО, што ги вклучува амбасадорите на 28-те членки, веројатно ќе се одржи во вторник, се наведува во соопштението на турското Министерство за надворешни работи.