Суд во Анкара денеска осуди 121 лице на доживотен затвор за вмешаност во обидот за воен преврат во 2016 година, јави државната агенција Анадолу.
Судот осуди на „строг доживотен затвор“ 86 лица поради „обид за кршење на Уставот“ и уште 35 луѓе на „доживотен затвор“.
Строг доживотен затвор предвидува потешки услови во затворот.
Турција го обвинува опозицискиот политичар Фетулах Ѓулен, кој е во егзил во Соединетите Американски Држави, за обидот за воен удар на 15 јули 2016 година и досега затвори илјадници луѓе за наводни врски со него. Од декември минатата година досега, 1.934 лица се осудени на доживотен затвор.