Турција и предложила на Европската унија да потпише спогодба за визна либерализација во првата половина од 2016 година, наместо во 2017 година, како што првично беше планирано, изјави турскиот премиер Ахмет Давутоглу во интервју за приватната телевизија ТГР ТВ.
Тој додаде дека преговорите во врска со прашањето продолжуваат.
Турција и ЕУ во декември 2013 година потпишаа спогодба за дијалог за визна либерализација паралелно со спогодбата за реадмисија, што доведе до тоа нелегалните имигранти, кои влегуваат во Европа преку Турција да бидат враќани на турска територија.