Тајна листа на турското Министерство за надворешни работи го оспорува статусот на 25 острови и 127 помали или карпести острови во Егејското Море, пишува грчкиот весник „Прото тема“.
– Не е случајно што се уште станува збор за тајна листа, позната под кратекната EGAYDAAK од турски јазик. Со таа кратенка Анкара ги маркира островите, островчињата и карпестите острови, врз кои според неа согласно меѓународните договори и спогодби сувренитетот не и е доделен на Грција, нагласува весникот.
Станува збор за мали островски групи во централниот и јужниот дел на Егејското Море во регионот на островот Крит.
Според „Прото тема“ лисата е одраз на турските амбиции за создавање на „сиви зони“ во регионот.
Листата EGAYDAAK е составена во 1996 година, кога Турција официјално го поставува прашањето за „сивите зони, предизвикувајќи тензии во регионот на островот Имија, додава весникот.