Српскиот претседател Александар Вучиќ телефонски разговарал со бугарскиот премиер Бојко Борисов за продолжување на соработката во рамките на Советот за соработка на Србија, Бугарија, Романија и Грција.
Како што соопшти прес-службата на српскиот претседател, двајцата лидери се согласиле следниот состанок на Советот да се одржи на почетокот од декември во Белград, „што ќе биде уште една можност уште повеќе да се направи за подобро поврзување на овие земји, како и на целиот регион, со цел благосостојба и економски напредок на сите“.