Владата на Србија официјално не ги побара од косовската Влада имињата на Србите осомничени за воени злосторства во Косово, изјави косовскиот заменик-премиер Едита Тахири.
Нејзината изјава уследи откако директорот на Канцеларијата на Владата на Србија за Косово, Александар Вулин истакна дека Белград бара да му се достават списоци за да знае кои Срби и за што се осомничени.
– Бараме да се отворат списоците, да се достават со српските обвинителства, бидејќи државата Србија докажа дека ниту едно злосторство направено од страна на Срби не остана нерасветлено, посочи Вулин.