Косовската министерка за дијалог меѓу Косово и Приштина Едита Тахири за весникот „Зери“ изјави дека основањето на Заедницата на српски општини (ЗСО) нема да се случи се додека Косово не добие телефонски повикувачки број.
Според неа, прашањето на ЗСО веќе е во фаза кога би требало да се изработи Статут, согласно одлуката на Уставниот суд.
– Меѓутоа, ние не почнавме со изработка на Статутот. Тоа ќе мора да го почека прво решавањето на прашањето за телефонски повикувачки број, за кое Србија веќе го прекрши договорот бидејќи на 1 март требаше да се затвори ова прашање. Ние ги исполнивме сите обврски, додека српската страна не ги заврши своите должности, тврди Тахири.