Косовскиот вицепремиер Едита Тахири денеска најави дека до крајот на септември ќе бидат расформирани сите паралелни безбедносни структури на Србија во северно Косово, како што е предвидено во договорот меѓу Приштина и Белград.
– Ако се се одвива според планот сите нелегални српски безбедносни структури, кои функционираат во Косово од 1999 година ќе бидат расформирани, истакна Тахири, које е и шеф на косовската делегација во разговорите меѓу Белград и Приштина во Брисел.
Таа наведе дека одредени лица, кои сакаат да станат дел од полицијата на Косово и другите безбедносни структури, ќе бидат интегрирани во нив.
Тахири посочи и дека се работи и на затворање на нелегалните српски структури во општините во северниот дел на Косово, кои подоцна ќе се интегрираат во косовските институции.