Учеството на Србите од северот на Косово на локалните избори на трети ноември, им дава целосна смисла на истите, затоа Србите треба да учествуваат на изборите. Ова е оценката на косовскиот премиер Хашим Тачи изнесена на денешната седница на Владата.
– Изборите на трети ноември ќе потврдат дека Косово се движи со сигурни чекори во исполнувањето на критериумите за демократски живот и европско Косово, рече Тачи.
Тој уште еднаш ги повика сите граѓани на Косово, посебно Србите од северниот дел, што помасовно да излезат и да гласаат, зашто, како што нагласил нивното учество е нова можност и гаранција дека „ќе изградиме наше заедничко Косово“.
Тачи дал гаранција дека локалните избори ќе бидат фер, слободни и демократски.