Косовскиот премиер Хашим Тачи денеска пред почетокот на новата рунда дијалог со српскиот колега Ивица Дачиќ изјави дека се надева на постигнување договор за електричната енергија и телекомуникациите.
– Се надевам на договор, бидејќи постои добра воља, истакна Тачи на прес-конференција во Брисел, каде Дачиќ претходно ги започна билатералните разговори со шефицата на европската дипломатија Кетрин Ештон.
Тој додаде и дека имплементацијата на Бриселскиот договор, кој е склучен на 19 април меѓу Белград и Приштина, оди добро и според планот.
Запрашан да го прокоментира тоа што косовскиот Парламент минатата недела го отфрли предлог-законот за амнестија, Тачи одговори дека таа работа „е во процедура“.
– За тоа сега се разговара во Претседателството на Парламентот и во одборите, истакна косовскиот премиер.