Еден ден откако силно го критикуваше недостигот на добра волја на Брисел на Приштина да и одобри визна либерализација, заменик премиерот и министер за надворешни работи на Косово Хашим Тачи разочаран ги повика граѓаните на протест пред канцеларијата на ЕУ во Приштина.
Тачи тврди дека против неправдата ќе протестираат „два милиони луѓе“ и дека оваа одлука ќе ги доведе во прашање „тековните процеси“, вклучувајќи го и спроведувањето на Бриселскиот договор, јавија приштинските медиуми.
Тачи синоќа одлуката на Брисел ја нарече „дискриминаторска“ и рече дека претставува ветер во грб на екстремистите на Косово.
– Секој жител на Косово има право да биде разочаран и навреден, рече Тачи, најавувајќи „марш на милиони“ пред канцеларијата на ЕУ во Приштина.