Косовскиот премиер Хашим Тачи денеска оцени дека примената на договорот меѓу Белград и Приштина е исклучително важен чекор и изрази уверување дека многу брзо ќе бидат отстранети и останатите две барикади во северниот дел на Косовска Митровица.
Тој на владината седница истакнал дека е исклучително важно што може да се каже дека процесот на имплементација на договорот почнал целосно да се применува.
– Слободата на движењето забележи голем напредок. Полицијата и цариниците слободно се движат до премините Јариње и Брњак, што значи дека целосно е започната примената на Бриелскиот договор. Остана да се работи на отстранување на останатите две барикади, нагласи Тачи.
Косовскиот премиер додаде дека е исклучително важно дека се затворени сите полициски поставки на српското Министерство за внатрешни работи, што потврдиле и косовската полиција и ЕУЛЕКС.
– Сега почнува фаза на поединечно регрутирање на Србите во косовската полиција, истакна Тачи, додавајќи дека, исто така, е важно што во судовите кои работат на Северот повеќе нема да се прима ниту еден предмет.