Доколку Словенија не го ратификува пристапниот договор со Европската унија тоа би претставувало катастрофа не само за Хрватска, туку негативно би влијаело и врз угледот на Словенија, оцени поранешниот известувач за Хрватска во Европскиот парламент Ханес Свобода.
Австрискиот социјалдемократ се надева дека прашањето за Љубљанска банка, кое е словенечкиот услов за ратификација на договорот, мошне брзо ќе биде решено, бидејќи станува збор за итен случај.
Свобода, кој во ЕП ја предводи политичката група на европските социјалисти и демократи во решавањето на проблемот ја очекува и помошта на словенечкиот претседател Борут Пахор.