Турската полиција употреби солзавец и водени топови за да растера околу 20 илјади демонстранти во Измир, кои учествуваат во протестите против трагедијата во рудникот во градот Сома, во округот Маниса.
На демонстрациите во Измир присуствуваа работници, членови на синдикати и претставници на различни граѓански здруженија, кои се отповикаа на повикот на синдикатите за еднодневен штрајк во знак на протест поради смртта на 282-та рудари.
Како одговор на интервенцијата на полицијата демонстрантите кон полицајците фрлаа со камења.
„Владата да поднесе оставка“ и „Ќе биде побарана одговорност за Сома“ извикуваа учесниците во демонстрациите, пред нивниот протестен марш да биде попречен од полицијата.