Избегната голема трагедија во Република Српска, жена се обиде да го убие Никола Томиќ, ракометар на Дрина од Зворник.
– Поради немилиот настан што го потресе нашиот клуб, решивме да и се обратиме на јавноста. За жал, овојпат не зборуваме за спортски успеси или настани. На 16.4.2023 година, околу три часа по полноќ, полициски службеници од Полициската станица Зворник го привеле лицето И.Л. за обид за убиство. Нашиот ракометар Никола Томиќ беше нападнат со ладно оружје, а во таа прилика се здоби со повреди во пределот на вратот во вид на тешка расекотина. За наша среќа, ако може да се нарече среќа, по ладнокрвниот напад Никола брзо беше згрижен во болницата Зворник.
Искрено се надеваме дека надлежните институции најстрого ќе го казнат овој тип на насилничко однесување. Ова беше напад на млад и перспективен спортист, желен да игра и да се докажува, а на негово место можеше да биде секој од нас. Искрено се надеваме дека вакво нешто никогаш повеќе нема да се повтори. На нашиот Никола му посакуваме брзо закрепнување и што поскоро се гледаме на теренот – стои во соопштението на клубот за кој игра Томиќ.
Nikola Tomić, rukometaš koji je preživeo pokušaj ubistva. Drži se, momče! pic.twitter.com/WgAFMvTE3G
— kojic_sportski (@KSportski) April 18, 2023
Ова го напиша локалниот Фактор.
– На 16.04.2023 година околу три часа по полноќ полицијата во Зворник ја лиши од слобода И.Л.од Зворник поради постоење основи на сомнение дека сторила кривично дело убиство во обид. Полицијата соопшти дека е пријавен напад со ладно оружје врз Томиќ пред бензинска пумпа во овој град. Младиот ракометар е испратен на лекарска помош во болницата Зворник, каде му биле констатирани полесни физички повреди.