По налог на српското Обвинителство, Богдан Илиќ познат како Бака Прасе е приведен во полиција.
Тој е доведен таму да даде изјава за сите познати околности во врска со смртта на инфлуенсерката Кристина Ѓукиќ, која на социјалните мрежи го користеше прекарот „Кика“.
Специјалното обвинителство упати барање за прибирање на потребните информации до српското МВР за други околности кои се важни за утврдување на целосната фактичка состојба во врска со наведениот трагичен настан.
Младата девојка која се самоуби, долго била мета на сајбер булинг, откако Бака Прасе пред две години објави серија видеа во кои ја навредуваше.
Тој по нејзината смрт објави дека жали за настанот и дека поради почит кон починатата инфлуенсерка ќе ги отстрани видеата од неговиот Јутјуб канал.