Премиерот на Србија Ивица Дачиќ, денес на состанокот со претставниците на владеачката партија, ја започна серијата состаноци со лидерите на партиите и шефовите на паратеничките групи за текот на преговорите помеѓу Белград и Приштина.
На сите состаноци ќе присуствува и претседателката на владата за европска интеграција, Сузана Грубјешиќ.
Во парламентот околу 10 часот започна состанок помеѓу Дачиќ и претседателот на собранието Небојша Стефановиќ, претседателот на собранискиот одбор за Косово и Метохија, Милован Дрецуни, директорот на канцеларијата за Косово и Метохија, Александар Вулин.
На состанок се и претседателот на СНС, Верољуб Арсиќ, заменик на претседателот на СПС, Жарко Обрадовиќ, претседателот на СПС, Бранко Ружиќ, претседателот на Обединетите региони на Србија Млаѓан Динкиќ и шефот на пратеничката група, Нова Србија Мирослав Маркиќевиќ, како и други претставници.
Во текот на денот во Претседателството на Србија ќе биде одржан и состанок на државниот врв на Србија и претставници на Република Српска, но темата за состанокот не е прецизирана.
Белград и Приштина имаат рок до 9-ти април да се изјаснат за решенијата за Косово понудени во Брисел.
Елена Георгиевска