Цел свет изутринава беше запознат со победата на Барак Обама на американските избори. И покрај тој факт, Слободна Далмација на своите читатели им понуди нешто поинаква верзија: „Мит Ромни влегува во Белата куќа„ е ударниот наслов на првата страница на најновото издание на сплитскиот дневен весник.
Во силна желба да понуди најсвежи информации и стручно да ги анализира, сплитскиот весник отиде и чекор натаму и понуди осврт на колумнистот Данко Плевник кој пишува за „успехот на мега работниот проект на Ромни“ и „Грешката на Обама со дистанцирање од крупниот капитал“.
Текстот е поставен во 2.59 изутрина, во време кога анкетите предвидуваа сигурна победа на кандидатот на демократите, а уште
повеќе зачудува фактот дека во самиот текст на 10 страна на весникот пишува дека „Америка има новиот-стар претседател Барак Обама.
Сплитскиот весник направи сличен гаф во 2007. година кога ден по парламентарни избори во Хрватска преку целата насловна страна објави дека победила Социјалдемократската партија, иако на изборите победи ХДЗ.