Жена, која се вратила од аџилак во Мека, во Саудиска Арабија, е примена во болница во централниот турски округ Конија, со сомненија дека е заразена со коронавирус на блискоисточниот респираторен синдром (БИРС), пренесоа американските медиуми.
Пациентката, на возраст од 54 години, се вратила од аџилакот пред една недела и веднаш побарала медицинска помош заради висока температура, гадење и повраќање.
Жената е ставена во изолација и под посебни мерки.
Во една болница во Турција на 11 октомври почина 42-годишен маж, кој беше првиот случај на пациент, болен од БИРС. Пациентот работел во Џеда, во Саудиска Арабија.