Советот за национална безбедност на Србија испрати соопштение во кое заклучува дека безбедноста на граѓаните на Косово е сериозно загрозена. Советот ги повика КФОР, Унмик и Еулекс да ги спречат сите обиди на Приштина за предизвикување на нестабилност и страв меѓу српското население.
По вонредната седница, Советот за национална безбедност апелираше до сите граѓани да се воздржат од судири со припадниците на меѓународните мисии и со тоа да придонесат за смитување на тензиите.
Со Советот претседаваше претседателот на Србија, Томислав Николиќ, а присуствуваа и началникот на ГШ на војската на Србија, директорот на безбедносно-информативната агенција и шефовите на воено-безбедносната агенција и Воено-разузнавачката агенција.