Словенија денеска соопшти дека ќе почне да враќа економски мигранти кои доаѓаат преку соседна Хрватска откако УНХЦР објавија дека и други балкански држави почнале со ограничување на бранот мигранти дозволувајќи само минување на Сиријци, Ирачани и Авганистанци.
Полицијата соопшти дека ќе се пуштаат само мигранти од држави каде има оружени конфликти.
– Официјално ја известивме Хрватска дека ќе враќаме групи економски мигранти. Се уште не сме добиле одговор од хрватска страна, изјави Драго Менегалија портпарол на полицијата.
Претходно УНХЦР соопшти дека Србија и Македонија ограничиле проток на мигранти дозволувајќи минување само на Сиријци, Ирачани и Авганистанци.