Словенечкиот министер за економија Јожеф Петрович вчера поднесе оставка само еден месец по стапувањето на должноста, откако локалните медиуми информираа дека некогаш работел во компанија што е обвинета за махинации со цените при договори со државата, пренесоа британските медиуми.
– Се повлекувам за да и дадам можност на Владата спокојно да работи во овие тешки времиња, рече Петрович пред новинарите.
Тој демантираше дека учествувал во некакви злоупотреби.
Петрович работел за фирма „ДЗС“, која, според медиумите, е осомничена за злоупотреби при продажба на канцеларски материјали за Владата од 2007 до 2012 година.
Компанијата се уште не ги коментираше обвиненијата.
Петрович е првиот министер од левоцентристичката Влада на Миро Церар, формирана по предвремените избори во јули, кој си поднесува оставка.
-Оваа оставка нема да ја наруши стабилноста на Владата, но е тешко да претпоставам дека ќе може да го истера целиот свој четиригодишен мандат со сите предизвици пред кои е исправена, прокоментира политичкиот аналитичар Мета Роглич за словенечкиот весник „Дневник“.