Силно невреме во Романија го блокира сообраќајот и предизвика евакуација на 30 лица

Од:

Романија во последните 24 часа е погодена од силно невреме во кое беа поплавени домаќинства и уништени автомобили, а 30 лица се евакуирани.

Невремето денеска предизвика поголема материјална штета и го запре сообраќајот во некои делови од земјата, бидејќи обилните врнежи од дожд и силниот ветер соборија дрвја, оштетија неколку возила и поплавија домаќинства во 14 области и главниот град Букурешт.

Временските непогоди во последните 14 часа зафатија 25 градови во 14 романски области и главниот град Букурешт, соопшти Одделот за вонредни ситуации (ДСУ), пренесува Аџерпрес.

ДСУ потврди дека тимови за итни случаи интервенирале во Букурешт и 14 романски области за да отстранат вода од десетици домаќинства и улици, како и речиси 200 турнати дрвја, што оштетиле голем број автомобили, а 30 лица превентивно биле евакуирани во областа Бихор.

Железничкиот сообраќај привремено беше запрен на линијата Букурешт – Брашов, во близина на градот Флоресте, поради паднато дрво на пругата.

Патниот сообраќај, исто така, во мометов е блокиран на неколку државни и регионални патишта, а во округот Бихор на некои водотеци е воведена и редовна одбрана од поплави.

Би можело да ве интересира

Романија испраќа авион за гаснење пожари со голем капацитет

Предраг Петровиќ

Никој не го сака еврото како своја валута повеќе отколку Романците, покажува ново истражување

Жарко Настоски

Поплавите предизвикаа хаос во Романија, има загинати

Ана Ололовска

ЕП оваа недела се очекува со нов повик за примање на Романија и на Бугарија во Шенген

Ана Ололовска

Романија започна со вакцинација на деца

Ана Ололовска

Вакцинација во дворецот на Дракула: Медицински сестри на туристите бесплатно им нудат „Фајзер“

А1он