Големиот шумски пожар што избувна вчера во реонот меѓу Маркопулос и Порто Рафти, на околу 20 километри источно од Атина, во текот на претпладнево е локализиран и ставен под контрола.
Како што соопши грчката противпожарна служба, нема опасност од натамошно ширење на огнот, кој се закануваше да зафати повеќе куќи во околните села.
Во гаснењето на пожарот, кој зафати дабова и борова шума, учествуваа четири авиони, два хеликоптери, 30-тина противпожарни возила и околу 150 пожарникари.
Причините за пожарот засега не се познати. Поведена е истрага за случајот, а како што јави АНА-МПА, не се исклучува можноста огнот да бил намерно подметнат.
Full article