„Косово сега е доволно зрело за да стои на свои нозе и да ја преземе полната одговорност за иднината на сите свои граѓани. Есенва Косово, ќе стане целосно суверена земја“, изјави, австрискиот министер за надворешни работи Михаел Шпинделегер.
Ова, според него е знак на довербата која му се дава на Косово.
-Косово сега влегува во нова фаза на сопствена одговорност и приближување кон Европа, посочи Шпинделегер.
„Продолженото присуство на меѓународните војници останува неопходно заради ситуацијата во северно Косово, која не е наполно решена“, изјави Шпинделегер.
Владата во Приштина не го контролира немирниот север на Косово, каде Србите се мнозинство.