Румен Радев одбива да ја потпише декларацијата за членство на Украина во НАТО

Од:

Претседателот на Бугарија Румен Радев одби да го потпише целиот текст на декларацијата на деветте источноевропски земји поради член со кој се поддржува влезот на Украина во НАТО, соопшти прес-службата на бугарскиот претседател.

dobivaj vesti na viber

Документот беше потпишан на 2 октомври од претседателите на Романија, Чешка, Естонија, Летонија, Литванија, Северна Македонија, Црна Гора, Словачка и Полска.

„Румен Радев не се согласува со целиот текст на декларацијата што ја усвоија некои источноевропски земји на тема членство на Украина во НАТО. Претседателот поддржува други позиции кои се наоѓаат во документот“, се вели во соопштението јави вчера БТА.

Иако Бугарија на самитот на НАТО во Букурешт во 2008 година потпиша декларација за идното членство на Украина, тоа се случуваше во сосема поинаква безбедносна ситуација.

Радев смета дека одлуката за членство на Украина во НАТО треба да биде донесена дури откако Русија и Украина како страни во конфликтот ќе елаборираат, прифатат и спроведат јасни параметри за мирно решение.

Украинскиот претседател Володимир Зеленски претходно изјави дека Украина поднесува барање за забрзано членство во НАТО.

Извор: МИА

Би можело да ве интересира

НАТО: Никогаш нема да ја признаеме руската илегална анексија

Горан Наумовски

Медведев го предупреди НАТО: Не испраќајте системи Патриот во Украина

Г7 се согласи да ги координира истрагите за воените злосторства во Украина

Горан Наумовски

Столтенберг: НАТО испраќа во Украина дополнителна помош во гориво и агрегати

Украинска криза: Путин ја губи војната, Русија нема оружје, уверени се во НАТО

Зеленска пред британските пратеници: Не ни треба само победа, ни треба и правда