Рекордни количини африкански песок пристигале во Грција, јавуваат грчки медиуми.
Облак од африкански песок ја опфати целата земја, но најголема била неговата густина над островот Крит и на полуостровото Пелопонез.
Африканскиот песок создава здравствени проблеми кај чувствителните групи од населението, кои страдат од болести на белите дробови и од срцеви заболувања.
Според метеорологот Костас Лагувардос моментно вредноста на африканскиот прав во воздухот на островот Крит достигнала 2.150 микрограми на кубен метар, а дозволената според нормите на ЕУ е 50 микрограми на кубен метар.
Високи вредности на африкански песок се регистрирани и во областа Атика.