Претседателот на Косово Атифете Јахјага се сретна денеска со политичките лидери, во обид да биде решен спорот во врска со договорите на владата со Србија и Црна Гора.
Опозицијата употреби солзавец и фрли јајца врз косовскиот премиер Иса Мустафа во Парламентот, повикувајќи ја Владата да го повлече потписот од договорот со Србија, што дава повеќе надлежности на Србите во реони во Косово и со Црна Гора за демаркација на границата.
Премиерот рече дека е одлучен да ги продолжи преговорите со Србија со посредство на ЕУ и ја обвини опозицијата дека се обидува да дојде на власт на недемократски начин.