Во текот на 2012 година во Грција се регистрирани над 150 случаи на расно мотивирани напади, при што во најголемиот дел од нив биле вклучени членови на неонацистичката партија Златна зора, се наведува во извештај на Мрежата за следење на расистичкото насилство во земјата.
Во извештајот на Мрежата се посочува дека регистрираното расно мотивирано насилство претставува само врв на една се поприсутна и опасна појава во грчкото општество. Во текот на 2012 година Мрежата регистрирала 154 случаи на расно мотивирано насилство во Грција, при што цел на нападите биле 153 странци, меѓукои и по еден Бугарин и Романец, како и еден Грк.
Во поголемиот борј случаи била употребена физичка сила, а при неколку напади насилниците користеле и оружје. При 91 од нападите жртвите посочиле дека напаѓачите биле припадници на екстремистички групи или на Златна зора, се посочува во извештајот.