Рама го одби барањето за смена на генералниот директор на полицијата

Од:

Албанскиот премиер Еди Рама, на онлајн прес конференција на новинарско прашање дали е можно разрешување на генералниот директор на полицијата, Арди Велиу, рече дека тоа нема да се случи, додавајќи дека на улица не се одлучува кој треба да замине, а кој да дојде.

-Како може да бараат Велиу да замине. На улица не се одлучува кој ќе замине и кој ќе дојде. Предвидено е врз која основа е правилно тоа. Редно беше владата да се извини. Не дека е вмешана во убиството, туку дека момчето е убиено од државно оружје. Редно беше министерот за внатрешни работи Сандер Лешај, да инсистира дека треба да си замине, а не дека има одговорност во случајот. Тој поднесе оставка не поради протестите, туку од морална причина.

Разрешувањето на Велиу, инаку, е последователно барање на учесниците на протестите, по она за министерот Лешај.

Според Рама и тој доколку не би бил премиер, ќе се појавел на првиот протест организиран за убиството на Клодијан Раша, но според него немало да манифестира насилство.

– Доколку не бев премиер јас ќе протестирав, прв ќе излезев, но не за да ги гаѓам полицајците в лице, да кршам прозорци друг државен имот, туку за да ја изразам огорченоста. Ќе протестирав за правда, рече Рама.

Тој и денеска го повторни обвинувањето дека протестите ги поттикнуваат и оркестрираат актуелниот претседател Илир Мета и поранешниот Сали Бериша, со што се „деградирани како личности“.

Премиерот Еди Рама денеска го посети семејството на 25-годишнот Клодјан Раша, кој пред седум дена беше застрелан од полициски сецијалец.

Ова е третпат како Рама го посетува семејството Раша. Вчера владата донесе одлука со која на семејството им се доделува пензија во месечен износ од 500 евра.

Би можело да ве интересира

Рама: Обезбедувањето вакцини е сон поради кој не можам да спијам

Ана Ололовска

Дашо: Во Албанија има многу повеќе смртни случаи од официјалните бројки

Ана Ололовска

Мета: Тој што нема да гласа на изборите нема морално право да се жали на последиците од владеењето

Ана Ололовска

Корупцијата и организираниот криминал и натаму цветаат во Албанија, вели извештај на Стејт департментот

Жарко Настоски

Идниот косовски премиер Курти се сретна со албанскиот државен врв

Жарко Настоски

Курти од Тирана: Албанските граѓани имаат потреба од промени

Ана Ололовска