Потпретседателката на хрватската влада и министерка за надворешни и европски прашања Весна Пусиќ изјави дека Македонија и Србија треба да добијат датум за почеток на разговорите за влез во Европската унија, додека Косово да ги започне преговорите за Договорот за асоцијација и стабилизација.
– Во минатото државите од регионот гледаа на ЕУ како бегство од Балканот. Но, денес членството нуди можност сите земји да преземат одговорност за сопствената стабилност и иднина – рече Пусиќ на Конференцијата за европските интеграции на Западен Балкан во Даблин.
Таа додава дека преговарачкиот процес не е важен за добивање полноправно членство во ЕУ, туку за градење на силни институции и реформи во државите.
Петар Клинчарски