Авион „Боинг 767-300″ на американската и најголема светска авиокомпанија „Американ ерлајнс” со 197 патници слета ова утро на аеродромот во Дубровник, што е прв редовен директен лет од САД од осамостојувањето на Хрватска во 1991 година.
Таа директна редовна линија ќе ги поврзува Филаделфија и Дубровник трипати неделно – од јуни до септември, а во текот на септември и четири пати неделно.
Генералниот директор на аеродромот во Дубровник, Франо Луетиќ, нагласи дека тој аеродром работи од 1961 година, а чартер-летовите од САД почнале да пристигнуваат во 1970-те – ЈАТ го поврза Дубровник со Њујорк и со Чикаго, а во април 1983 година слета и првиот авион на компанијата Пан Ам.