Неколку илјади лица и синоќа се собраа на антивладини протести во Софија, иако Парламентот вчера ја укина одлуката за именување на контроверзниот медиумски магнат Делјан Пеевски за директор на Државната агенција за нациоанлна безбедност (ДАНС), чиј избор беше повод за демонстрациите.
Учесниците на протестите, кои се одржаа шести ден по ред, извикуваа „Мафија!“ и „Оставка!“, барајќи оставка на Владата на бугарскиот премиер Пламен Орешарски.
Според претставник на демонстрантите, протестите ќе продолжат се до „паѓањето на Владата“.
Орешарски, кој на функцијата беше избран пред три недели, призна дека изборит на Пеевски за прв човек на ДАНС било грешка, но одби да поднесе оставка, бидејќи, како што оцени, падот на Владата би ја дестабилизирал земјата.