Претседателот на косовскиот Уставен суд, Енвер Хасани е уценет поради афера која своевремено ја имал со малолетна девојка, објавуваат приштинските медиуми.
Медиумите наведуваат дека на новинската агенција „Дитапрес“ и бил познат идентитетот на девојката, но не е објавен поради заштита на нејзиниот семеен интегритет.
Редакцијата ги поседувала сите податоци кои најсериозно го инкриминираат Хасани.
Според медиумите, Хасани треба да одговори дали оваа уцена влијаела врз одлуката на Уставниот суд поврзана за политичката криза и ситуацијата која се создаде по изборите на Косово.