Турскиот министер за енергетика Танер Јилдиз изјави дека потрагата по преживеаните рудари во рудникот во Сома е отежната и оти спасувачката акција неколку пати била прекинувана поради отровните гасови од запалениот јаглен.
– Пожарот се уште не е целосно изгаснат, но е регистрирано намалување на концентрацијата на јаглерод диоксидм што е знак дека огнот стивнува, истакна Јилдиз.
Тој наведе дека бројот на жртвите се искачил на 282 луѓе и оти поголем број од нив настрадале од задушување со отровни гасови.
– Најважно е сега да ги извадиме на површина рударите од под земја, рече Јилдиз без да потенцира колкав е нивниот број.