Во јужниот бугарски град Хасково вчера беше извршена кражба во централната пошта и беа одземени 900.000 евра.
Парите биле наменети за исплата на пензии, а сумата била осигурна, па поради тоа пензионерите нема да бидат оштетени.
Крадците ги отвориле сите три метални каси со помош на најразлични алати, а за да ги прикријат доказите, на подот расфрлале прамени коса кои најверојатно ги земале од некој фризерски салон, соопшти бугарската полиција.
Вчерашниот грабеж е рекорден во историјата на Бугарија.