Политичките партии, граѓанските иницијативи и независните кандидати денеска официјално ја почнуваат предизборната кампања за локалните избори во Косово, кои треба да се одржат на 3 ноември.
За градоначалници на општините кандидирани се 224 луѓе, а за општински советници има 7.740 кандидати.
На изборите ќе учествуваат 103 политички субјекти, од кои 50 се од албанската заедница, 31 од српската, три од турската, девет од бошњачката, три од црногорската, еден од горанската заедница, двајца од ашкалиската, двајца од ромската и по еден од египетската и хрватската заедница.