Новата грчка државна телевизија НЕРИТ од синоќа почна со емитување на редовна програма, со вести кои ги водеше позната телевизиска водителка Андријана Параскевопули.
Новата радио, интернет и телевизија (НЕРИТ) е формирана откако лани во јуни, во рамки на меркита за штедење, грчката Влада по повеќе од 60 години работа ја укина дотогашната државна телевизија ЕРТ, што доведе до отпуштање од работа на околу 2.600 лица.
По затворањето, дел од вработените во ЕРТ продолжија да емитуваат програма преку релеј на една приватна телевизиска станица, претворајќи се во водечки опозициски медиуми во Грција.
Кон средината на јули беше формирана привремена државна телевизија ДТ, каде останаа да работат мал дел од поранешните вработени во ЕРТ, кои сега преминаа во НЕРИТ.