Пленковиќ од „Фајзер“ очекува да го исполни договорот за набавка на вакцините

Од:

Пазарот за вакцини против коронавирусот е „киднапиран“, има земји кои плаќаат повеќе за да дојдат до нив, изјави денеска хрватскиот премиер Андреј Пленковиќ, додавајќи дека Хрватска нема да биде меѓу нив, но дека очекува американската компанија „Фајзер“ да го исполни договорот за испорака на вакцините.

Пленковиќ потсети дека владата минатата недела се согласи Хрватска да има поцврст став за различната динамика на испораката на вакцини.

-Сега дипломатијата во врска со вакцинацијата малку се промени и се претвори во киднапирање. Одредени земји плаќаат повеќе од договореното. Се уште не сме се обиделе да набавиме вакцини од други производители, туку останавме како што беше договорено, рече премиерот по состанокот на владата.

Премиерот додаде дека како држава не размислуваат да го контактира производителот на вакцини директно, бидејќи смета дека штом ќе се направи договор, тогаш тоа е готово.

На прашањето дали Хрватска ќе го тужи „Фајзер“ за непочитување на договорот, Пленковиќ рече дека верува дека производител што не се придржува кон договорот треба на Хрватска да и плати казни за нередовната испорака.

-Доколку имате договор за кој сте преговарале и доколку платите добра цена, не ја гледам поентата во нови преговори или понуда за повисока цена. Претпоставувам дека треба да ни платат казни за непочитување на договорот. Мислам дека е нормално и двете страни да го следат договореното и ќе ги искористиме сите средства што ги имаме за тоа да се случи, рече Пленковиќ.

Би можело да ве интересира

ЕУ ќе побара поголема транспарентност за вакцините заради борба против дезинформациите

Студија: Фајзер ќе вакцинира цел град во Бразил против Ковид-19

Ана Ололовска

ВИДЕО: Протест на хрватските здравствените работници против задолжителните ковид-потврди

Поради делта варијантата ќе треба да биде вакцинирано 90 проценти од населението

Катерина Павлова-Николовска

МЗ: Повлечени од употреба неискористените вакцини од донацијата од Бугарија поради истечен рок

Ана Ололовска

Вакцините на „Фајзер“ и „БиоНТек“ со позитивни резултати кај деца од пет до 11-годишна возраст

А1он