Пленковиќ: Битно е ЕУ да испрати порака дека се грижи за регионот

Од:

Хрватскиот премиер Андреј Пленковиќ изјави дека е неопходнa потврда за присуството на ЕУ во регионот на југоисточна Европа, бидејќи на тој начин, тврди, ЕУ го маркира просторот и го насочува натамошниот развој на регионот.

Хрватскиот премиер при пристигнувањето на самитот на лидерите на ЕУ најави дека по подолго време во заклучоците на Европскиот совет повторно ќе се најдат и зборови на охрабрување и поддршка за земјите од југоисточна Европа, кои се наоѓаат на патот кон ЕУ.

– За мене е битно да испратиме порака дека ЕУ е присутна, дека се грижи за овие земји и дека на тој начин го маркира просторот и насоките за нивниот натамошен развој, порача хрватскиот премиер пред денешната расправа за Западен Балкан во Брисел.

Пленковиќ нагласува дека за Хрватска е посебно битно да се разговара за ситуацијата во државите од регионот каде има напнатост, при што како примери ги наведе Македонија и БиХ.

– За Хрватска е важно да продолжи овој процес на проширување. Ние последни влеговме, имаме најсвежи искуства и им помагаме на сите наши соседи во исполнување на критериумите, изјави премиерот на Хрватска.

Би можело да ве интересира

(ФОТО) Во сообраќајка загина екс хрватски фудбалер, во друго возило беа неговите сопруга и ќерка

А1он

Започнуваат најважните мировни преговори меѓу Европа и САД

ВИДЕО: Голем пожар во фабрика во Хрватска

ЕУ ја зголемува финансиската поддршка за палестинската управа

Британија предупредува на амбициите на Путин на Западен Балкан: „Тоа е нова жешка точка“

Уапсен e музичарот Миле Кекин