Началникот на одделението на Инфективната клиника на Клиничко болничкиот центар Косово (КБЦК) во Приштина Саља Ахмети денеска изјави дека од хеморагична треска починало 40-годишно лице од село Крељане, Општина Ѓаковица, со што бројот на починати од оваа болест од почетокот на годината се зголемил на пет.
Во моментот на Клиниката има 12 пациенти од различни региони во Косово, од кои двајца се во тешка здравствена состојба.
– Имаме пациенто од девет до 75 години од различни делови на Косово, но најголемиот број се од Маљишево, село во Општина Ораховац и од Општина Ѓаковица, посочи Ахмети.