Петнаесет партии во Грција поднеле документи во Врховниот суд на земјата за учество во изборите за Европарламентот на 25 мај, пишува весникот „Етнос“.
Меѓу нив е крајнодесничарската партија Златна зора.
Изјавата била потпишана од нејзиниот лидер Никос Михалолиакос, кој во моментот е зад решетки по обвинение за припадност кон криминална организација. На изборите ќе учествува и друга таква формација – Национална зора, предводена од Михалис Јанонгонас.
Се очекува на 11 мај Врховниот суд да објави на кои грчки партии ќе им биде дозволено учество во европските избори.
Социолошките анкети покажуваат дека двете партии со највисок рејтинг – конзервативната Нова демократија и радикалната левица СИРИЗА, се со израмнети шанси за победа на изборите.