Досега невиден број странски и домашни новинари се акредитирани за следење на предвремените парламентарни избори во Грција, соопшти грчкиот Генерален секретаријат за информации.
Како што јави дописникот на МИА од Атина, во прес центарот во Запион има 1.015 новинари, дописници, странски набљудувачи и претставници на странски дипломатски мисии кои во живо ќе ги следат резултатите од изборите.
Вкупно 741 се дописници на странски медиуми од кои 590 се дојдени во Грција само за да ги следат изборите. Најголем број акредитирани новинари, вкупно 70, има од Шпанија.