Словенија го потврди првиот случај на подвидот на омикрон – сојот БА.2, изјави шефот на националната лабораторија Тјаша Жохар Цретник.
Таа исто така рече дека се уште не е јасно дали овој подвид е позаразен од оригиналот.
Тјаша Жохар Цретник изјави и дека подвидот омикрон BA.2 е откриен во Подравје, додавајќи дека според непотврдени податоци постои можност да се откриени уште два случаи BA.2 на Институтот за микробиологија и имунологија во Љубљана.
BA.1 е првиот вид на омикрон, кој го замени делта сојот за неколку недели и сега претставува, барем во Словенија, 95% од новите инфекции.
Британската агенција за јавно здравје неодамна откри повеќе од 400 случаи на подвидови омикрон во првите 10 дена од јануари, наведувајќи дека BA.2 е откриен и во други 40 земји, вклучувајќи ги Индија, Данска и Шведска, каде што се пронајдени повеќето од овие подвидови омикрон.