Како што најавија метеоролозите, во Словенија и во Хрватска пристигна драстична промена на времето, која во наредните денови се очекува и во Босна и Херцеговина.
Невремето пристигнува од Италија и Словенија и неговите делови веќе ги зафатија западните делови на Хрватска. Во некои делови на Далмација можеа да се забележат пијавици.
Граѓаните известија и дека се поплавени бројни подруми и блокирани сливници.
Поради силното невреме во Словенија поплавени се некои главни и регионални патишта.
Како што јави метеоролошкиот портал Neurje.si, автоматските станици во словенечка Истра веќе забележале дека наврнале повеќе од 60 литри дожд.
Во меѓувреме студениот бран стигна до северот на Словенија. Снег веќе паѓа на Вршич, највисокиот словенечки патен планински премин, висок 1.611 метри.
Студениот бран нема да ја заобиколи ниту Босна и Херцеговина. Така веќе утре се очекува невреме со дожд и врнежи од дожд, а во вториот дел од денот можен е и снег на планините.
Како што изјави Бх. метео, граѓаните да не се залажуваат со краткотрајна топла температура бидејќи се очекува пад на температурата за 10 до 20 степени во однос на денешните нивоа.